8 декабрь, Кесе йома

25 август 2011 йыл, 10:48

Бетон изделиелар етештереү күләме Башҡортостанда 500 мең кубометрҙан артҡан

автор: Рәсүл Хәмиҙуллин

Ағымдағы йылдың ғинуар-июлендә Башҡортостандың төҙөлөш индустрияһы предприятиеларында бетон ҡушылған материалдар, изделиелар һәм конструкциялар етештереү күләмдәре 502 мең кубометрҙан артып киткән. Был күрһәткес уҙған йылдағы кимәлгә ҡарата 124,8 процентҡа еткән. БР Төҙөлөш һәм архитектура буйынса дәүләт комитетының матбуғат хеҙмәте мәғлүмәте буйынса, йыйылма тимер-бетон конструкциялары – 377 мең куб.м. (2010 йылға ҡарата 118,3%), бетон изделиелар –  50,9 мең куб.м. (137,9%), тауар бетоны – 50 тысяч куб.м. (168,9%), ә төҙөлөш иҙелмәһе 24,2 мең куб.м (140,7%) сығарылған.

Республиканың төҙөлөш индустрияһы предприятиеларында уртаса эш хаҡы айына 14054 һум тәшкил иткән. Былтыр июлдә ул 11948 һум кимәлендә булған.

темалар: төҙөлөш