5 декабрь, Дүшәмбе

24 август 2011 йыл, 16:16

Башҡортостанда игендән тулайым йыйым 1,6 миллион тоннанан ашты

автор: Ғәлиә Нәбиева

24 августа республика игенселәре ураҡ кампанияһының йәнә бер сиген үтте. Иген культуралары майҙандарҙың яртыһында сабылған. Был 820 мең гектар. БР Ауыл хужалығы министрлығы мәғлүмәте буйынса, 776 мең га ашлыҡ һуғылған. Планға ҡарата был 47%. Дүртөйлө, Көйөргәҙе, Саҡмағош һәм Шаран райондарында ураҡ кампанияһы һуңғы стадияһына яҡынлашты.

Игендән тулайым йыйым быйыл 1,6 миллион тоннанан артып китте. Уртаса уңыш — гектарынан 20,9 центнер. Мәләүез, Стәрлетамаҡ һәм Саҡмағош районы эшсәндәре һәр гектарҙан 30 центнерҙан ашыу уңыш ала. Бураға иң күп ашлыҡ һалыусылар — Стәрлетамаҡ районы аграрийҙары  — 113,1 мең тонна.