9 декабрь, Йома

23 август 2011 йыл, 15:09

Иглинда Башҡортостандың иң яҡшы умартасыһы билдәләнәсәк

автор: Ғәлиә Нәбиева

26 августа Иглинда XI Республика умартасылар конкурсы һәм мәктәп уҡыусылары араһында V «Йәш умартасы» Республика конкурсы үтәсәк. Һөнәри оҫталыҡ конкурсы 95-се һөнәрселек училище нигеҙендә уҙғарыласаҡ.

Республика умартасылар конкурстарын үткәреү Башҡортостанда матур йолаға әүерелгән. Башҡортостан умартасылыҡ һәм апитерапия буйынса ғилми-тикшеренеү үҙәгенән хәбәр итеүҙәренсә, умартасылар араһында тәүге республика һөнәри оҫталыҡ конкурсы Дыуан районы Мәсәғүт ауылында «Михайловка» совхозы умарталығы нигеҙендә 1998 йылдың 25 авгусында үткән. Был район умартасылар конкурсын башлап ебәргән дә инде. Тәжрибә туплау, бал ҡорттарын ҡарау технологияларын күрһәтеү, уларҙы үрсетеүҙең яңы алымдарына өйрәнеү өсөн төбәктең иң яҡшы умартасылары йыл һайын бергә йыйыла.