4 декабрь, Йәкшәмбе

23 август 2011 йыл, 12:35

Өфөлә 237 яңы юл билдәһе ҡуйыласаҡ

автор: Евгений Рәхимҡолов

Өфөлә 237 яңы юл билдәһе ҡуйыласаҡ, шуларҙың 71-е юл өҫтөнән тарттырылған сымдарға эленәсәк. Был хаҡта Өфө хакимиәтендә үткән оператив кәңәшмәлә ҡала башлығының беренсе урынбаҫары Владимир Дмитрюк хәбәр итте.

Билдәләрҙе Өфөнөң тарихи үҙәгендә, Цюрупа, З.Вәлиди, Аксаков һәм Революцион урамдары менән сикләнгән участкала бер яҡлы хәрәкәт ойоштороу арҡаһында ҡуйыу планлаштырылған.

Шул уҡ мәлдә бер нисә иҫке юл билдәһе алынасаҡ.

— «Туҡталыш тыйылған» һәм «Туҡтап тороу тыйылған» кеүек юл билдәләрен мөмкин тиклем алып ташларға тырышасаҡбыҙ, сөнки уларға барыбер берәү ҙә иғтибар итмәй, — тип аңлатма бирҙе ҡала башлығы Павел Качкаев.