8 декабрь, Кесе йома

23 август 2011 йыл, 9:26

Республика аграрийҙары бесән әҙерләү буйынса планды үтәүгә яҡынлашты

автор: Рәсүл Хәмиҙуллин

Башҡортостандың бөтә райондары ла әүҙем рәүештә мал аҙығы әҙерләү менән шөғөлләнә. Йәмғеһе 2454 мең тонна сенаж һалынған, был планлаштырылғанға ҡарағанда 12 процентҡа күберәк. 792 мең тонна бесән тупланған, планға ҡарата был 91%. Баҡалы районында тупаҫ мал аҙығы – планлаштырылғанға ҡарағанда ике тапҡырға, Архангел, Ҡыйғы, Көйөргәҙе, Тәтешле, Туймазы, Шишмә райондарында 1,5 тапҡырға күберәк әҙерләнгән.

БР Ауыл хужалығы министрлығының матбуғат хеҙмәте мәғлүмәте буйынса, республиканың 44 районында силос һалыу эштәре алып барыла. Мәсетлелә силос траншеялары 206 процентҡа тултырылған. Бер шартлы мал башына районда 28,6 центнер мал аҙығы берәмеге тура килә. Республика буйынса уртаса алғанда был һан 22,7 центнерға тиң.