10 декабрь, Шәмбе

22 август 2011 йыл, 9:31

Күп балалы ғаиләләрҙең беренсе класҡа барасаҡ балалары БР Хөкүмәтенән ярҙам аласаҡ

автор: "Башинформ"

Аҙ тәьмин ителгән күп балалы ғаиләләрҙең беренсе класҡа барасаҡ балаларын яңы уҡыу йылына әҙерләү өсөн Башҡортостан Хөкүмәте менән 9,4 миллион һум аҡса бүленгән.

2011 йылдың 19 авгусындағы 1071-р һанлы тейешле бойороҡҡа Премьер-министр Азамат Илембәтов ҡул ҡуйған.

Аҙ тәьмин ителгән күп балалы ғаиләләрҙә үҫкән 6 219 бала тәүге тапҡыр мәктәп тупһаһын атлап инәсәк. Уларға 1 520 һум сумммаға ранецтан алып китаптар ҡуйыу өсөн аҫлыҡҡа һәм ручкаларға тиклем тейешле бөтә мәктәп кәрәк-яраҡтары алынасаҡ.

Күп балалы ғаиләләрҙән беренсе класҡа барасаҡ иң күп уҡыусылар Баймаҡ районында теркәлгән – 331 бала. Икенсе урын Өфө ҡалаһында – 322 сабый. Әбйәлил районы беренсе класҡа барасаҡ балалар иҫәбе буйынса өсөнсө урында – 302, тип хәбәр итә республика Хөкүмәтенең матбуғат хеҙмәте.