10 декабрь, Шәмбе

18 август 2011 йыл, 17:37

Бөгөлмәнән Өфөгә хәҙер электричкала йөрөргә мөмкин

автор: Любовь Колоколова

Бөгөлмә ҡалаһы (Татарстан) халҡының хәҙер Башҡортостандың баш ҡалаһына тимер юл транспортында йөрөргә мөмкинлеге бар.

17 августан Куйбышев тимер юлының Волга-Кама төбәгендә Бөгөлмә менән Ҡандрыны бәйләүсе электр поезы йөрөй башланы. 6494-сы «Ҡандры-Өфө» һәм 6493-сө «Өфө-Ҡандры» ҡала яны поездарын иҫәпкә алып Бөгөлмә-Урыссу маршрутын Ҡандрыға тиклем оҙайтыу Бөгөлмә халҡын ҡала яны бәйләнеше ярҙамында Өфө менән берләштереү мөмкинлеген бирәсәк, тип хәбәр итә «Башҡортостан ҡала яны пассажирҙар компанияһы» асыҡ акционерҙар йәмғиәте.

Ҡала яны поездары көн һайын йөрөй. Расписаниены www.kbsh.rzd.ru сайтынан йәки 800-775-00-00 һандары буйынса Берҙәм мәғлүмәт-белешмә үҙәге телефоны аша белешергә мөмкин (тәүлек әйләнәһенә, шылтыратыу бушлай).