10 декабрь, Шәмбе

18 август 2011 йыл, 13:37

Башҡортостанда малайҙар ҡыҙҙарға ҡарағанда йышыраҡ тыуа

автор: Ольга Мортазина

Республикала 2011 йылдың тәүге ярты йыллығында тыуыу тураһында 26 847 акт теркәлгән, тип хәбәр итте БР Гражданлыҡ хәле акттарын теркәү идаралығы начальнигы Зифа Әбүбәкирова. Былтырғыға ҡарағанда был һан 4,8 процентҡа йәки 1346 теркәлеүгә кәмерәк.

Яңы тыуған сабыйҙарҙың 50 проценты – ғаиләлә беренсе бала, 35% – икенсе, 10% — өсөнсө, 3% – дүртенсе, 2% – бишенсе.

Өфөлә тыуым 0,4 процентҡа йәки 29 теркәлеүгә кәмегән һәм тыуыу тураһында 7 228 акт тәшкил иткән. Стәрлетамаҡта яңы тыуған балалар һаны былтырғыһы менән тап килә — 1 952.

Малайҙар ҡыҙҙарға ҡарағанда күберәк тыуған. Тәүгеләре – 13 691, икенселәре – 13 156. Айырма 805 тәшкил итә. Шул уҡ мәлдә 253 игеҙәк һәм 5 өс игеҙ бала донъяға ауаз һалған.