Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.31 ↑

EUR 61.50 ↓

27 апрель, Кесе йома

Уфа   °

Башҡортостан йыл һайын Бангладешҡа 300 мең тонна иген ебәрә ала

Иҡтисад

17 августа Өфөлә Башҡортостан Хөкүмәте Премьер-министры Азамат Илембәтов Бангладеш Халыҡ Республикаһының Рәсәйҙәге ғәҙәттән тыш һәм тулы хоҡуҡлы илсеһе Сайфул Хок менән осрашты. Яҡтар Башҡортостан менән Көньяҡ Азия иле араһында эшлекле бәйләнеште үҫтереү буйынса уртаҡ мәсьәләләрҙе тикшерҙе.

— Беҙ республика менән ике яҡ өсөн дә файҙалы булған хеҙмәттәшлек булдырырға уйлайбыҙ, — тине илсе. – Тәү сиратта беҙҙе ауыл хужалығы һәм мәғариф өлкәләре ҡыҙыҡһындыры. Беҙҙең ҡарамаҡҡа, Бангладеш студенттары республика техник вуздарында уҡый алһын өсөн Башҡортостанда бөтә шарттар ҙа бар. Ауыл хужалығына килгәндә, беҙ Башҡортостандың Бангладешҡа оҙайлы ваҡыт дауамында иген ебәреүен планлаштырабыҙ.

Илсе һүҙҙәренә ҡарағанда, йылына 300 мең тонна иген хаҡында һүҙ бара. Шул уҡ ваҡытта Бангладеш Башҡортостанға күндән изделиелар, сәй, диңгеҙ продукттары һәм башҡа тауарҙар ебәрә ала.

Шулай уҡ Сайфул Хоҡ ике республика араһындағы хеҙмәттәшлектең башҡа өлкәләрҙә лә була алыуын билдәләне.

Яндекс цитирования
Рейтинг ресурсов "УралWeb" -->
закрыть