4 декабрь, Йәкшәмбе

17 август 2011 йыл, 18:23

2012 йылға Башҡортостан бюджеты проекты тулыһынса 20 сентябргә тиклем тапшырыласаҡ

автор: Әлфиә Шәрәфетдинова

2012 йылға республика бюджеты проектын һәм 2012-2014 йылдарға төбәктең социаль-иҡтисади үҫешенә прогноз яһау планын тамалау өсөн Башҡортостан министрлыҡтарының һәм ведомстволарының бер ай ваҡыты бар.

— Документтар 20 сентябргә тиклем тулыһынса әҙер булырға тейеш, — тине республика Хөкүмәтенең Премьер-министры Азамат Илембәтов. – Бынан һуң уларҙы Башҡортостан Президенты тикшерәсәк. Аҙаҡтан документтар республика Дәүләт Йыйылышы – Ҡоролтайға ебәреләсәк.

Хөкүмәттә үткән бөгөнгө кәңәшмәлә БР иҡтисади үҫеш министры Евгений Маврин, республиканың финанс министры Рузалия Хисмәтуллина, БР хеҙмәт һәм халыҡты социаль яҡлау министры Ленара Иванова һәм Республика мотлаҡ медицина страховкалау фонды директоры Алексей Меньшиков сығыш яһаны.