10 декабрь, Шәмбе

17 август 2011 йыл, 17:03

Йыл башынан алып республика халҡы 6696 шәхси йорт төҙөгән

автор: Ғәлиә Нәбиева

Йыл башынан алып Башҡортостанда дөйөм майҙаны 884,8 мең кв.метрлыҡ 9500 фатир сафҡа индерелгән. Был уҙған йылға ҡарағанда 102,7 процентҡа күберәк, тип хәбәр итә Башҡортостанстат.

Шәхси йорттар төҙөлөшө республикала торлаҡ өлкәһен үҫтереүҙең өҫтөнлөклө йүнәлеше булып ҡала. Ете айҙа ғына Башҡортостан халҡы дөйөм майҙаны 717 мең кв.метрлыҡ 6696 шәхси йорт төҙөгән. Шәхси төҙөүселәр өлөшөнә файҙаланыуға тапшырылған торлаҡтың 81% тура килә.

Статистиктар иҫәпләүенсә, ауыл ерендә ҡалаға ҡарағанда торлаҡ аҙыраҡ төҙөлә. Мәҫәлән, ауылда – дөйөм майҙаны 396 мең кв.метр, ә ҡалала 488,8 мең кв.метр торлаҡ йорт сафҡа индерелгән.