11 декабрь, Йәкшәмбе

17 август 2011 йыл, 14:59

Элеваторҙар яңы иген уңышын ҡабул итә башланы

автор: Ғәлиә Нәбиева

Башҡортостан элеваторҙары һәм ашлыҡ ҡабул итеү пункттары яңы иген уңышын ҡабул итергә әҙер, тип хәбәр иттеләр БР Ауыл хужалығы министрлығында. Ямғырҙар яуыуы ихтималлығын иҫәпкә алып, бында иген елгәргестәр ҙә әҙерләнгән. Ауыл хужалығы министрлығының 17 августағы оператив мәғлүмәттәренә ярашлы, 800 мең тонна яңы иген уңышы һаҡлауға  һалынған да инде.

Иген ҡабул итеү предприятиелары өсөн 2011 йылғы ашлыҡты ҡабул итеү, киптереү, эшкәртеү һәм һаҡлауға хаҡтар билдәләнгән. Ауыл хужалығы тауарҙары етештереүселәренең игенен күпселек элеваторҙар декабрь-ғинуарға тиклем бушлай һаҡларға әҙер.