10 декабрь, Шәмбе

16 август 2011 йыл, 16:39

«Базы» ауыл хужалығы кооперативында бойҙай уңышы гектарынан 40 центнерҙан аша

автор: Ғәлиә Нәбиева

Саҡмағош районының «Базы» ауыл хужалығы етештереү кооперативында игендең уртаса уңышы гектарынан 40 центнерҙан аша. Игенселәр ужым культуралары һәм борсаҡты һуғып алған да инде. Әле комбайнерҙар арпа һуғыуға төшкән. Йығылған иген ураҡ эштәренә ҡамасаулай — тулышҡан башаҡтар бойҙай ауырлығынан ергә эйелгән. Быйыл арпа уңышы рекорд ҡуя: һәр гектарҙан игенселәр 48-50-шәр центнер иген ала.

Сиратта ужым бойҙайы, «Омская-35» өлгөргән. Һайланма майҙансыҡтарҙа үткәрелгән тәүге ураҡ һөҙөмтәләре ҡыуандыра – бер урауҙа игенселәр 40 центнер самаһы сифатлы ашлыҡ алған.

«Башинформ» агентлығына «Базы» ауыл хужалығы етештереү кооперативы етәксеһе Вадим Соколовтың һөйләүенсә, хужалыҡтың иген баҫыуҙары  яҡынса 17 мең гектарҙы тәшкил итә. Бөгөнгө көндә 25% майҙанда ашлыҡ урып һуғылған. Хужалыҡ ураҡты үҙ көстәре менән алып бара, «Нива» маркаһындағы 42 комбайн эшкә ҡушылған. Комбайнерҙар көн оҙоно баҫыуҙа.