Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.92 ↑

EUR 70.37 ↑

16 август, Шаршамбы

Уфа   °

Башҡортостанда минималь аҙыҡ-түлек тупланмаһы арзанайҙы

Иҡтисад

Башҡортостанстат мәғлүмәтенә ярашлы, минималь аҙыҡ-түлек тупланмаһының хаҡы Башҡортостанда июлдә 2537,93 һум тәшкил итте. Июнь менән сағыштырғанда аҙыҡ-түлек кәрзине 67 һумға арзанайған.

Хәтерегеҙгә төшөрәйек, минималь тупланма хаҡы хеҙмәткә һәләтле йәштәге ир-егеттең туҡланыуы өсөн минималь аҙыҡ-түлек йыйылмаһы нигеҙендә билдәләнә һәм йәшәү минимумы күләменең элементы һаналмай. Аҙыҡ-түлек тупланмаһының хаҡын иҫәпләгәндә (йәшәү минимумынан айырмалы) Рәсәй Федерацияһы субъекттары өсөн уртаҡ ҡулланыу нормалары файҙаланыла.

Үткән айҙа ҡулланыу ҡаҡтары индексы республикала 99,8% тәшкил иткән. Был иһә аҙыҡ-түлектең 0,2 процентҡа арзанайыуын аңлата. Статистиктар иҫәпләүенсә, июлдә май, һөт һәм һөт продукцияһы, сыр, он, икмәк һәм икмәк-ҡалас изделиелары, ярма һәм борсаҡ 1 процентҡа тиерлек арзанайған.

Йәшелсә-емеш продукцияһына миҙгелле хаҡтар кәмеүе күҙәтелә. Июлдә улар 6,6 процентҡа арзанайған.

Шул уҡ ваҡытта ҡайһы бер продукттарға хаҡ арта. Бер аҙға, 0,1-ҙән 0,5 процентҡа тиклем, макарон һәм кондитер изделиелары, ит продукттары һәм балыҡ, алкоголь продукцияһы ҡиммәтләнгән. Статистиктар йомортҡаға хаҡтар күтәрелеүен билдәләй: бер айҙа улар 11 процентҡа ҡыйбатланған.

Яндекс цитирования
Рейтинг ресурсов "УралWeb"
закрыть