4 декабрь, Йәкшәмбе

09 август 2011 йыл, 11:46

Рөстәм Хәмитов Калуга өлкәһендә эре мал үрсетеү технологиялары менән танышты

автор: "Башинформ"

Калуга өлкәһендә «Ангус» генетика үҙәге» яуаплылығы сикләнгән йәмғиәтендә Башҡортостан Президенты Рөстәм Хәмитов губернатор Анатолий Артамонов менән бергә эре мал үрсетеү технологиялары менән танышты. Был хаҡта Башҡортостан Республикаһы Президентының матбуғат хеҙмәтендә хәбәр иттеләр.

Үҙәк 2008 йылда төҙөлгән. Предприятие тоҡомло һыйыр малы үрсетеүҙә махсуслаша. Ошо маҡсатта бында Американан тоҡомло таналар һәм үгеҙҙәр килтерелгән. Бөгөн дөйөм майҙаны 20 мең гектар самаһы тәшкил иткән өс фермала дүрт мең баштан ашыу һыйыр малы бар. Ферма эше уңышлы Америка хужалыҡтары өлгөһөндә ойошторолған.