Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.66

EUR 63.72

23 ғинуар, Дүшәмбе

Уфа   °

Дүртөйлө ҡалаһының алтынсы кварталында 11 километр юл төҙөргә кәрәк

Иҡтисад

Дүртөйлө ҡалаһында Рөстәм Хәмитов алтынсы кварталды үҙләштереү менән танышты. Бында 80 га майҙанда 2003 йылдан алып аҙ ҡатлы йорттар төҙөлә. Бөгөнгө көнгә кварталда шәхси йорт төҙөү өсөн 376 ер участкаһы һәм дүрт фатирлы торлаҡ йорттар төҙөү өсөн 11 ер участкаһы бүленгән. 92 йорт сафҡа индерелгән. Шулай уҡ аҙ комплектлы мәктәп төҙөү өсөн 2,65 гектарлыҡ ер резервы ла бар. Тәү сиратта кварталда газ торбаһын, һыу менән тәьмин итеү, канализация селтәрҙәрен үткәреү бурысы тора. Микрорайонға газ үткәреү проекты әҙер, газды быйыл үткәрергә вәғәҙә итәләр.

Алтынсы кварталдың үҙәк урамы ҡаланы М-7 федераль трассаһы менән тоташтыра. Киләсәктә ул Дүртөйлө ҡалаһының төп юлы булмаҡсы. Проект буйынса кварталда 11 километр юл төҙөргә кәрәк, уның смета хаҡы километрына 5-6 миллион һум тәшкил итә.

— Кешеләргә, тәү сиратта, өйҙәренә табан һуҙылған юл кәрәк, — тине Рөстәм Хәмитов. – Был мәсьәләне комплекслы хәл итеү зарур. Муниципалитеттар үҙ аҡсаларына ғына юлдар төҙөй алмаясаҡ. Проблеманан сығыу юлдарын табырға кәрәк – йәки аҡсаларҙы инфраструктура үҫтереү өсөн урындағы властарға бирергә, йәки быға маҡсатлы ресурстарҙы йүнәлтергә.

Башҡортостан Президенты Рәсәй Федерацияһында власты децентрализациялау һәм бюджет-ара мөнәсәбәттәр буйынса эш төркөмөнә инә.

— Әлеге эш сиктәрендә, атап әйткәндә, дәүләт юл фонды средстволары иҫәбенә урам юлдарын төҙөү мәсьәләһе ҡарала, — тине Рөстәм Хәмитов.

Яндекс цитирования
Рейтинг ресурсов "УралWeb" -->
закрыть