11 декабрь, Йәкшәмбе

25 июль 2011 йыл, 15:46

Мораҡ район үҙәгендә бассейнлы балалар баҡсаһы төҙөлә

автор: «Башинформ» | фото: Олег Яровиков

Мораҡ район үҙәгендә Рөстәм Хәмитов 220 урынлыҡ бассейнлы балалар баҡсаһына тәүге нигеҙ ташы һалыу тантанаһында ҡатнашты.

Объекттың смета хаҡы – 135 миллион һум, төҙөләсәк ике ҡатлы бинаның майҙаны 3,7 мең квадрат метр тәшкил итә.

Был Мораҡтағы бишенсе балалар баҡсаһы буласаҡ. План буйынса сафҡа индереү срогы – 2012 йылдың июнь айы.

Яңы балалар баҡсаһы яҡын киләсәктә «Йәштәр» биҫтәһе булдырыласаҡ урында төҙөлә. Бында 216 шәхси йорт төҙөү ҡаралған.

Рөстәм Хәмитов төҙөлөп ятҡан йорттарҙың береһен ҡараны һәм районда шәхси йорт төҙөүҙең үҙҡиммәте хаҡында ҡыҙыҡһынды. Асыҡланыуынса, бер квадрат метры бында 11,7 мең һумға төҙөлә (эске биҙәү эштәрен иҫәпкә алмайынса).

«Бындай майҙансыҡтарҙы комплекслы рәүештә, инженер селтәрҙәрен, инә торған юлдар һәм социаль-мәҙәни, көнкүреш объекттарын төҙөү менән бергә үҙләштерергә кәрәк», — тине Рөстәм Хәмитов.

темалар: БР Президенты