9 декабрь, Йома

15 июль 2011 йыл, 16:45

Өфөнөң Ленин урамы ремонтҡа ябыласаҡ

автор: Әлфиә Шәрәфетдинова

15 июлдә Өфөнөң Ленин урамы ремонтҡа ябыласаҡ. Һүҙ юлдың Коммунистик урамы менән киҫешкән урындағы бер өлөшө хаҡында бара. Унда һыу үткәргес ремонтланасаҡ. Өфө хакимиәтенең мәғлүмәт-аналитика бүлегендә хәбәр итеүҙәренсә, ремонт эштәре йома көнө кис башланасаҡ һәм дүшәмбелә иртәнсәк тамамланасаҡ. Шулай итеп, юлдың күрһәтелгән өлөшөндә юл хәрәкәте 15 июлдә 22 сәғәттә ябыласаҡ һәм 18 июлдә 6.00 сәғәттә асыласаҡ.

Автомобиль йөрөтөүселәргә юл схемаһын алдан уҡ уйлап ҡуйырға кәрәк. Пассажирҙар транспорты эргәләге юлдарҙан йөрөйәсәк. 25, 211, 216, 219а, 224, 226, 228, 243, 249, 255, 266, 285, 290-сы маршруттарының ваҡытлыса үҙгәрештәре хаҡында баш ҡала хакимиәтенең сайтында белергә була.