10 декабрь, Шәмбе

13 июль 2011 йыл, 11:21

Ярты йылда Башҡортостанда 10726 кг аҙыҡ-түлек бракка сығарылған

автор: Ғәлиә Нәбиева

Башҡортостанда беренсе ярты йыллыҡта дөйөм ауырлығы 10726 килограмм тартҡан 532 партия сифатһыҙ һәм хәүефле аҙыҡ продукттары һәм аҙыҡ-түлек сеймалы бракка сығарылған. Роспотребнадзорҙың БР буйынса идаралығының беренсе ярты йыллыҡтағы эшмәкәрлегенең һөҙөмтәһендә 1,9 миллион һумлыҡ 905 берәмек аҙыҡ-түлеккә ҡарамаған сифатһыҙ ҡулланыу тауарҙары әйләнештән алынған.

Тикшереү йомғаҡтары буйынса санитар табибтар асыҡланған ҡағиҙә боҙоуҙарҙы бөтөрөүгә 2702 күрһәтмә биргән.

Алты айҙа 8718 мең һумға 3954 административ штраф һалынған. Идаралыҡтың вазифалы кешеләре менән асылған административ эштәр буйынса судья объекттар эшмәкәрлеген туҡтатыу тураһында 49 ҡарар ҡабул иткән.