5 декабрь, Дүшәмбе

08 июль 2011 йыл, 11:24

Октябрҙә IV Башҡортостан татарҙары съезы үтәсәк

автор: Тимур Рәхмәтуллин

20 — 25 октябрҙә Өфөлә Башҡортостан татарҙарының IV съезы үтәсәк. Был хаҡта Башҡортостан татарҙары конгресы башҡарма комитетының киңәйтелгән ултырышында «Башҡортостан татарҙары» берләшмәһе рәйесе урынбаҫары Мәжит Хужин хәбәр итте.

Фекер алышыуҙа йәмәғәт берләшмәһе ағзалары, Татарстандың Башҡортостан Республикаһындағы тулы хоҡуҡлы вәкиле Альберт Мәҡсүтов, республикала йәшәгән татар йәмәғәт берләшмәләре вәкилдәре, Бөтә донъя татарҙар конгресы ағзалары һәм башҡалар ҡатнашты.

Кәңәшмәлә ҡатнашыусылар татар йәмәғәт ойошмаларының үҙ-ара эш итеүе, Башҡортостан һәм Татарстан етәкселеге менән мөнәсәбәттәр, татар халҡы мәҙәниәтен һәм традицияларын һаҡлау, милли мәнфәғәттәрҙе яҡлау мәсьәләләрен тикшерҙе.

Мәжит Хужиндың билдәләүенсә, Башҡортостандың 39 районынан йыйылған 200-ҙән ашыу делегат IV Башҡортостан татарҙары съезында республиканың татар йәмәғәт берләшмәләре мәнфәғәтен яҡлаясаҡ. Форумға Башҡортостан етәкселеге вәкилдәре, муниципалитет хакимиәте башлыҡтарының социаль мәсьәләләр буйынса урынбаҫарҙары, Бөтә донъя татарҙар конгресы ағзалары саҡырыласаҡ.