4 декабрь, Йәкшәмбе

08 июль 2011 йыл, 9:37

«Бөтә донъя башҡорттары ҡоролтайы» Башҡарма комитеты рәйесе итеп Марсель Йосопов һайланды

автор: «Башинформ»

7 июлдә «Бөтә донъя башҡорттары ҡоролтайы» Йәмәғәт ойошмаларының халыҡ-ара берлеге Башҡарма комитетының ултырышы үтте, унда «Бөтә донъя башҡорттары ҡоролтайы» Башҡарма комитетының яңы рәйесе һайланды.

Рәсәй Федерацияһы Федераль Йыйылышының Дәүләт Думаһы депутаты, Силәбе өлкәһенең Бөтә донъя башҡорттары ҡоролтайы башҡарма комитеты рәйесе Марсель Харис улы Йосопов кандидатураһын «Бөтә донъя башҡорттары ҡоролтайы» Йәмәғәт ойошмаларының халыҡ-ара берлеге Башҡарма комитеты Советы тәҡдим итте. Кандидатура Башҡарма комитет ағзалары менән хупланды.

«Бөтә донъя башҡорттары ҡоролтайы» Йәмәғәт ойошмаларының халыҡ-ара берлеге Башҡарма комитетының элекке етәксеһе Илгиз Замфир улы Солтанморатов, үҙе етәкләгән БР Фәндәр академияһының Гуманитар тикшеренеүҙәр институтында тығыҙыраҡ эш графигына күсеү сәбәпле, үҙ теләге менән вазифаһынан бушатылды.