Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.65

EUR 66.67

25 июнь, Йәкшәмбе

Уфа   °

Рөстәм Хәмитов вәкәләттәрҙе бүлешеү мәсьәләләре буйынса хөкүмәттәрҙең эш төркөмдәре ултырышында ҡатнашты

Сәйәсәт

7 июлдә Рәсәй Хөкүмәтендә Башҡортостан Президенты Рөстәм Хәмитов Рәсәй Федерацияһы Хөкүмәте Рәйесе урынбаҫары Дмитрий Козак һәм Рәсәй Федерацияһы Хөкүмәте Рәйесе урынбаҫары — Рәсәй Федерацияһы Президентының Төньяҡ-Кавказ федераль округындағы тулы хоҡуҡлы вәкиле Александр Хлопонин рәйеслегендә үткән вәкәләттәрҙе бүлеү һәм бюджет-ара мөнәсәбәттәрҙе камиллаштырыу мәсьәләләре буйынса ике эш төркөмөнөң берлектәге тәүге ултырышында ҡатнашты.

Эш төркөмдәре алдында территорияларҙың социаль-иҡтисади үҫеше буйынса мөмкин тиклем һөҙөмтәле эшләйәсәк идара итеү системаһын ойоштороу бурысы тора. Ултырышта әле ғәмәлдә булған власть вәкәләттәре бүленеше схемаһы һәм бюджет-ара мөнәсәбәттәр структураһы менән таныштырҙылар. Илдәге һәр власть кимәленә тура килгән вәкәләттәр күләмен асыҡлау кәрәклеге билдәләнде.

— Төрлө кимәлдәге власть араһындағы ҡаршылыҡтар проблема тыуҙыра һәм беҙ быны хәл итергә тейешбеҙ,— тине Дмитрий Козак. — Бында һәр власть кимәленең ауылдан башлап тотош Рәсәй Федерацияһына тиклем һәр территорияның социаль-иҡтисади үҫеше өсөн яуаплылығын арттырыу тураһында һүҙ бара.

Рәсәй Федерацияһы субъекттары, муниципалитеттар һәм федераль башҡарма власть органдары вәкәләттәрҙе бүлешеү һәм бюджет-ара мөнәсәбәттәрҙе камиллаштырыу буйынса үҙенең тәҡдимдәрен 14 июлгә РФ Хөкүмәтенә тапшырырға тейеш. Эш төркөмдәренең киләһе ултырышы 22 июлгә планлаштырылған. 2013 йылдың 1 ғинуарынан, тейешле закон проекттары ҡабул ителгәндән һуң, был башланғыстар тормошҡа ашырылһын өсөн, тикшерелгән мәсьәләләр буйынса аныҡ эштәр планы ағымдағы йыл аҙағына тиклем әҙерләп бөтөрөлөргә тейеш, тип хәбәр итә Башҡортостан Президентының матбуғат хеҙмәте.

Яндекс цитирования
Рейтинг ресурсов "УралWeb" -->
закрыть