6 декабрь, Шишәмбе

06 июль 2011 йыл, 11:58

Рәсәй һалдатының ғүмере өс миллионға баһаланды

автор: Евгений Рәхимҡолов

Рәсәй һалдатының ғүмерен өс миллион һумға баһаланылар. Һәләк булған хәрби хеҙмәткәрҙең ғаиләһенә әлеге 260 мең урынына тап ошо суммала аҡса түләргә тәҡдим ителде. «Башинформ» агентлығына Дәүләт Думаһы депутаты Иршат Фәхретдиновтың хәбәр итеүенсә, Дәүләт Думаһы беренсе уҡыуҙа «Хәрби хеҙмәткәрҙәрҙе аҡсалата тәьмин итеү һәм уларға айырым түләүҙәр билдәләү тураһында»ғы тейешле закон проектын ҡабул итте.  

Шул уҡ ваҡытта депутаттар хәрбиҙәрҙең ниндәй дәрәжәлә булыуына ҡарамаҫтан, барыһына ла бер төрлө сумма — өс миллион һум тәғәйенләргә тәҡдим итте. Хәрби хеҙмәткә саҡырылған һәләк булған һалдаттарҙың ғаиләләре кеүек үк, контракт буйынса хеҙмәт итеүселәрҙең ғаиләләре лә, һәләк булған һалдаттар һәм генералдарҙың ғаиләләре лә ошо күләмдә пособие аласаҡ.