6 декабрь, Шишәмбе

05 июль 2011 йыл, 10:50

«Арҡайым» биләмәһендә фольклор фестивале үтәсәк

автор: Тимур Рәхмәтуллин

6-сы июлдән 7-һенә тиклем Силәбе өлкәһенең «Арҡайым» ҡурсаулығы биләмәһендә «На Ивана, на Купалу...» VI фольклор-этнография фестивале үтәсәк. Фестиваль Евразия халыҡтарының матди һәм рухи мәҙәниәтен, йолаларын өйрәнеү һәм тергеҙеү, боронғо һәм хәҙерге традицион культураларҙы өйрәнеүгә уҡыусыларҙың һәм йәштәрҙең ҡыҙыҡһыныуын арттырыу маҡсаты менән үткәрелә.

Фестивалдә Башҡортостандан, Силәбе өлкәһенән һәм Ҡаҙағстандан 20 ижади коллектив ҡатнашасаҡ. «Арҡайым» майҙансыҡтарында фольклор коллективтарының сығышы, боронғо һөнәрҙәр буйынса мастер-кластар, оҫталыҡ һәм традицион аш-һыу конкурстары, шулай уҡ мауыҡтырғыс программалары буласаҡ. Фестиваль сиктәрендә «Евразия халыҡтарының милли музыка ҡоралдары һәм традицион кейемдәре» күргәҙмәһенең презентацияһы үтәсәк.