4 декабрь, Йәкшәмбе

04 июль 2011 йыл, 15:09

Өфөлә халыҡ-ара ислам конференцияһы үтәсәк

автор: Тимур Рәхмәтуллин

22-23 сентябрҙә Өфөлә «XXI быуаттың мәғариф киңлегендә ислам идеалдары һәм ҡиммәттәре» IV халыҡ-ара ғилми-ғәмәли конференцияһы үтәсәк. Уны М.Аҡмулла исемендәге Башҡорт дәүләт педагогия университеты һәм Рәсәй мосолмандары Үҙәк диниә назаратының Рәсәй ислам университеты ойоштора.  

Форум киләһе секциялар буйынса үтәсәк: «Исламдың фәлсәфәүи идеалдары һәм ҡиммәттәре», «Исламдың социаль идеалдары һәм ҡиммәттәре», «Исламдың ғаилә-көнкүреш ҡиммәттәре һәм балалар тәрбиәләү», «Ислам педагогикаһының хоҡуҡи идеалдары», «Фән һәм ислам», «Толерантлыҡ – гуманистик педагогика нигеҙе».

Бынан тыш, конференция сиктәрендә Рәсәйҙең һәм сит илдәрҙең дәүләт, ғилми һәм дини эшмәкәрҙәре ҡатнашлығында «XXI быуатта йәштәр һәм дин», «Дәүләт-конфессия-ара мөнәсәбәттәр» темаларына түңәрәк өҫтәлдәр ойоштороласаҡ.  Конференция йомғаҡтары буйынса йыйынтыҡ нәшер итеү планлаштырыла.