4 декабрь, Йәкшәмбе

30 июнь 2011 йыл, 13:10

Башҡортостанда ҡышҡылыҡҡа тейешле кимәлдән 11% күләмендә бесән әҙерләнгән

автор: Ғәлиә Нәбиева

Мал аҙығы әҙерләү кампанияһы темптары һиҙелерлек артты, тип билдәләй БР Ауыл хужалығы министрлығы. Оператив мәғлүмәттәргә ярашлы, республика буйынса 131 мең гектар майҙанда мал аҙығы культуралары сабылған, был планға ҡарата 12 процент. Дүртөйлө, Йылайыр, Ҡырмыҫҡалы райондарында 20 проценттан ашыу майҙанда береннсегә сабыу үткәрелгән.

Ҡышҡылыҡҡа 31 мең тонна бесән һәм 248 мең тонна сенаж әҙерләнгән, был 4 һәм 11 процентты тәшкил итә. БР Ауыл хужалығы министрлығынан хәбәр итеүҙәренсә, бесән әҙерләүҙә Бүздәк районы аграрийҙары алдынғы урында. Улар  талап ителгәндән 22 процент күләмендә бесән йыйған. Сенаж буйынса иң яҡшы күрһәткестәр ейәнсураларҙа — 40 процент. Баймаҡ, Благовар, Бүздәк, Күгәрсен, Көйөргәҙе, Мәләүез һәм Саҡмағош райондары 1800 тоннанан ашыу бесән туплаған. Ауырғазылар, дүртөйлөләр, ҡырмыҫҡалылар, стәрлетамаҡтар һәм саҡмағоштар сенаж буйынса иң күп запас әҙерләгән — 15-23 мең тонна.