6 декабрь, Шишәмбе

29 июнь 2011 йыл, 17:28

Туймазыла татар мәҙәниәте көндәре үтте

автор: Евгений Рәхимҡолов

Туймазы районында татар мәҙәниәте көндәре үтте. Был сарала мәктәп уҡыусылары, ижади коллективтар, милли декоратив-ҡулланма сәнғәт оҫталары ҡатнашты.

Татар мәҙәниәте көндәре сиктәрендә «Татар халҡының барлыҡҡа килеү тарихы» ғилми-ғәмәли конференцияһы һәм «Олимпиец» спорткомплексында көрәш буйынса ярыштар ҙа ойошторолдо. Татар мәҙәниәте көндәрен ябыу тантанаһында районда йәшәгән Рита Найденова менән төҙөлгән ете быуынды күрһәткән ырыу ағасы һәм урындағы авторҙар китаптары тәҡдим ителде, тип хәбәр итә Туймазы районы хакимиәтенең мәғлүмәт-аналитика бүлеге.