10 декабрь, Шәмбе

29 июнь 2011 йыл, 11:32

Өфө сәнғәт академияһы студенттары Италияла үткән халыҡ-ара конкурс еңеүселәре иҫәбендә

автор: Әлфиә Әһлиуллина

Заһир Исмәғилев исемендәге Өфө дәүләт сәнғәт академияһы студенттары аккордеон, баян, фортепианола уйнаусы йәш башҡарыусыларҙың «Пианелло Валь Тидонэ»  халыҡ-ара музыкаль конкурсында тулы бүләктәр комплектын яуланы. Сара Италияның Пианелло ҡалаһында үтте.

«Башинформ» агентлығына Сәнғәт академияһында хәбәр итеүҙәренсә, конкурстың I премияһына «Аккордеон. Баян» номинацияһында Өфө дәүләт сәнғәт академияһының 1 курс студенты, аккордеонсы Жен ХеИн лайыҡ булды. Шул уҡ номинацияла III премияға 3 курс студенты Алмагөл Лоҡманова (профессор Рәжәп Шәйхетдинов класы) эйә булды.

Конкурстың II премияһына «Фортепиано» номинацияһында 1 курс студенты, пианинст О-Южин (профессор Рөстәм Шәйхетдинов класы) лайыҡ булды. Сараның бүләктәр тапшырыу тантанаһы боронғо ҡәлғәлә үткәрелде.