8 декабрь, Кесе йома

28 июнь 2011 йыл, 15:57

Өфөләге «Президент-Отель» ҡунаҡхана комплесында яңы уңайлы бүлмәләр булдырылды

автор: Рәсүл Хәмиҙуллин

Өфөләге иң яҡшы ҡунаҡханаларҙың береһе «Президент-Отель» (http://presidenthotel.ru/) яңы бүлмәләр фонды менән тулыландырылды. Ул бер бүлмәле ике урынлыҡ 16 бүлмәнән ғибәрәт. «Башинформ» агентлығына ҡунаҡхана хакимиәтенән хәбәр итеүҙәренсә, яҡын киләсәктә тағы ике люкс булдырыласаҡ.

Бүлмәләр араһында традициондары, корпорация клиенттары араһында танылғанлыҡ яулаған замансалары ла бар. Яңы бүлмәләрҙең ошо арала ғына булдырылыуына ҡарамаҫтан, улар ҙур һорау менән ҡуллана.

Бөтә бүлмәләр ҙә заманса техника менән йыһазландырылған. Уларҙы йыһазландырыу һәм хеҙмәтләндереү кабель телевидениеһынан, ҡала-ара һәм халыҡ-ара телефон бәйләнешенән, интернет селтәренә сығыу мөмкинселегенән ғибәрәт.

Бөгөнгө көндә «Президент-Отель» ҡунаҡханаһында 134 бүлмә бар. Яҡын арала уларҙың һаны 143-кә етеүе көтөлә.