8 декабрь, Кесе йома

28 июнь 2011 йыл, 9:08

Рөстәм Хәмитов электр энергияһына тарифтар үҙгәреүе ихтималлығына алдан уҡ әҙерләнергә тәҡдим итте

автор: "Башинформ"

Башҡортостан Президенты Рөстәм Хәмитов, Рәсәй Президентының Волга буйы федераль округындағы тулы хоҡуҡлы вәкиле ҡарамағындағы Совет ултырышында сығыш яһап, электр энергияһына тарифтар үҙгәреүе ихтималлығына мониторинг үткәрергә тәҡдим итте.

— 2011 йыл беҙҙе бәләнең көтмәгәндә килеүенә — тарифтарҙың 30-40 процентҡа күтәрелә алыуына өйрәтте, — тине ул.

Бындай хәл булмаһын өсөн тарифтар үҙгәреү ихтималлығына төбәктәр алдан уҡ әҙерләнергә тейеш. Рөстәм Хәмитов Советҡа тарифтарҙың 2012 йылда нисек үҙгәреүен хәҙерҙән үк анализларға тәҡдим итте. Ул, шулай уҡ, электр энергетикаһы өлкәһендә һуңғы арала торған һайын ҡатмарлыраҡ, ябай кешеләр өсөн аңлайышһыҙ процестар барыуын билдәләне.