6 декабрь, Шишәмбе

27 июнь 2011 йыл, 10:20

Барнаулда һабантуй билдәләнде

автор: Тимур Рәхмәтуллин

Алтай крайының баш ҡалаһында һабантуй үтте. Байрам «Лабиринт» стадионында үткәрелде.

Ҡунаҡтар алдында башҡорт һәм татар ижади коллективтары сығыш яһаны. Спорт майҙанында көрәш, бағанаға менеү, таяҡ тартышыу, гер күтәреү, бүрәнәлә тоҡ менән һуғышыу, йомортҡаны ҡалаҡҡа һалып йүгереү, күҙҙәрҙе бәйләп бүләк ҡырҡып алыу, тоҡтарҙа йүгереү, ҡармаҡлау, күҙҙәрҙе бәйләп көршәктәргә һуғыу кеүек традицион ярыштарҙың бөтә төрҙәре лә алып барылды.

Байрам ҡунаҡтарын һәм ҡатнашыусыларын башҡорт һәм татар милли аҙыҡтары менән һыйланылар: бында сәк-сәк, өсбосмаҡ, бәрәмәс, бәлештәр ҙә булды.

Алтай крайында 10 меңгә яҡын башҡорт һәм татар йәшәй, ҡаҙаҡтар һаны ла шулай уҡ, йәнә өс меңдән артыҡ сыуаш бар – улар барыһы ла традицион рәүештә һабантуй байрамын билдәләүсе халыҡ.