11 декабрь, Йәкшәмбе

27 июнь 2011 йыл, 9:49

Өфөлөләргә өйҙәрен утынға һүтергә тәҡдим ителде

автор: Әлфиә Шәрәфетдинова

Өфө ҡалаһы Ленин районының Торлаҡ хужалығы идаралығы яңы йортҡа күсерелгән граждандарҙың иҫке йорттарын төҙөлөш материалдарына һәм утынға һүтергә тәҡдим итә. Уларҙың адрестарын район хакимиәтенең мәғлүмәт–аналитика бүлегендә хәбәр иттеләр. Исемлеккә Аксаков урамындағы өс йорт – 85, 85/1 һәм 85/2, Коммунистик (17 и  17/9) һәм Рига (3 л/з и 6 а) урамдарындағы икешәр, шулай уҡ Ғафури, 98, Пожарский, 241, Свердлов, 37/8, Чеверев, 6 һәм Чернышевский, 23 а адрестары буйынсағы өйҙәр инә.

Өфө хакимиәтенең рәсми сайтында теләге булғандар был мөмкинселек менән бушлай ҡуллана ала, тип билдәләнә. Бының өсөн Карл Маркс урамы, 45 адресы буйынса Ленин районы Торлаҡ хужалығы идаралығына мөрәжәғәт итергә кәрәк. Телефоны: (347) 272-46-64.

темалар: Өфө хакимиәте