Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.65 ↓

EUR 69.99 ↑

17 август, Кесе йома

Уфа   °

«Версия Башкортостана» гәзитендә юридик ярҙам мәсьәләләре буйынса «ҡыҙыу линия» үткәреләсәк

Йәмғиәт

Эш биреүсе ауырлы ҡатынды эштән сығара аламы? Мәрхүм булған бурыслы клиентының туғандарынан – кредитор алдында яуаплылыҡты үҙ өҫтөнә алыусы булып сығыш яһамаған кешеләрҙән уның бурысын түләүҙе талап итеүгә банктың хоҡуғы бармы? Эшҡыуарлыҡҡа уртаҡ аҡса һалған, әммә рәсми рәүештә никахта тормаған ир менән ҡатындың бизнесы нисек бүленәсәк?

Көндәлек тормошта тыуып торған ошо һәм башҡа һорауҙарға «Версия Башкортостана» ижтимағи-хоҡуҡи аҙналығы редакцияһында яуап биреләсәк: «ҡыҙыу линия»ға шылтыратығыҙ һәм һеҙгә гәзит ҡунаҡтары – адвокаттар, прокурорҙар, төрлө ведомство вәкилдәре яуап бирәсәк.

Шишәмбе, 28 июндә, телефон аша тиҙ хоҡуҡи ярҙамды Өфө адвокаты Ирина Вәлиева күрһәтәсәк.  

Хеҙмәт бушлай һәм уның менән мохтаж булғандарҙың барыһы ла ҡуллана ала. (8-347) 272-79 номерына 15 сәғәттән 17-гә тиклем шылтыратығыҙ.

Хәтерегеҙгә төшөрәбеҙ, был даими рубрика, граждандар менән аралашыу айына ике тапҡыр – һәр икенсе һәм дүртенсе шишәмбе үтә. Үрҙә күрһәтелгән телефон аша шылтыратып, һеҙҙе ҡыҙыҡһындырған һорауҙы квалифицикациялы юрисҡа бирегеҙ.

«Ҡыҙыу линия»ға мөрәжәғәттәр һәр ваҡыт бик күп һорауҙарҙы үҙ эсенә ала. Ике сәғәт дауамында ҡабул ителгән һорауҙарға яуаптар «Версия Башкортостана» гәзитенең киләһе һандарында баҫылып сыға.

Шулай уҡ һорауығыҙҙы гәзиттең 15-се битендә урынлаштырылған купонға яҙып ебәрә алаһығыҙ – яуап гәзиттең йәнә бер даими рубрикаһы — «Һеҙҙең хоҡуҡ» («Ваше право») битендә донъя күрәсәк.

Яндекс цитирования
Рейтинг ресурсов "УралWeb"
закрыть