11 декабрь, Йәкшәмбе

23 июнь 2011 йыл, 10:26

Дүшәмбегә тиклем Башҡортостанда ямғырҙар яуасаҡ

автор: Ғәлиә Нәбиева

Башгидромет менән был аҙнаға күҙалланған ямғырҙар туҡтамай. Бөгөн төндә бөтә республика территорияһында төрлө интенсивлыҡтағы ямғырҙар үтте. Яңауыл, Ҡариҙел, Дыуан һәм Учалы райондарында ғына ҡоро.

«Башинформ» агентлығына Башгидромет синоптиктары хәбәр итеүенсә, көн дауамында һауа торошо үҙгәрмәйәсәк. Айырым райондарҙа секундына 20 метрға тиклем көсәйеүсән ел менән йәшенле ямғырҙар булыуы ихтимал.

Алдағы ял көндәрендә лә беҙҙе ямғырҙар көтә. Хәйер, улар артыҡ мул булмаясаҡ һәм дүшәмбегә ҡарай һауа температураһы күтәрелергә тейеш.

темалар: һауа торошо