11 декабрь, Йәкшәмбе

22 июнь 2011 йыл, 17:02

Нурислам Вәлиев: «Власҡа Рөстәм Хәмитов килгәндән алып республика ветерандарының хәле һиҙелерлек яҡшырҙы»

автор: Тимур Рәхмәтуллин

Власҡа Рөстәм Хәмитов килгәндән алып Башҡортостанда республика ветерандарының хәле һиҙелерлек яҡшырҙы. Был турала Бөйөк Ватан һуғышы йылдарында фронтҡа киткәндәр иҫтәлегенә ҡуйыласаҡ монументҡа нигеҙ ташы һалыу тантанаһында Өфө ветерандары советы рәйесе Нурислам Вәлиев белдерҙе.

— Власҡа Рөстәм Хәмитов килгәс, һуңғы арала ветерандарға мөнәсәбәт һиҙелерлек яҡшырҙы, — тип һыҙыҡ өҫтөнә алды Нурислам Вәлиев. – Алға хәрәкәт күренде. Рөстәм Зәки улы баштан уҡ ветерандар эштәренең торошо, уларҙың йәшәйеше кеүек мәсьәләләрҙе күтәрҙе. Һуғыш ветерандары, Социалистик Хеҙмәт Геройҙары менән осрашты. Уны һәр ваҡыт ветерандарыбыҙҙың нимәгә мохтаж булыуы ҡыҙыҡһындырҙы.

Башҡортостан етәкселегенең ветерандарға күрһәткән ярҙамы өсөн Өфө ветерандары советы рәйесе Рөстәм Хәмитовҡа рәхмәтен белдерҙе.