4 декабрь, Йәкшәмбе

20 июнь 2011 йыл, 12:16

Өфөлә эш урындары арта

автор: Галина Бахшиева

Өфөләге Халыҡты эш менән тәьмин итеү үҙәгенең мәғлүмәт базаһында бөгөн 14700 самаһы эш урыны булыуы билдәле. Шул уҡ ваҡытта ҡаланың мәшғүллек үҙәгендә ун меңдән ашыуыраҡ кеше иҫәптә тора һәм шуларҙың 9600-ҙән күберәге рәсми рәүештә эшһеҙ тип танылған.

Эшһеҙлек кимәле Өфөлә әкренләп кәмей һәм әлеге мәлдә 1,73 процент тәшкил итә. Хеҙмәт баҙарында көсөргәнешлек коэффициенты йәки икенсе төрлө әйткәндә — Өфөнөң Халыҡ мәшғүллеге үҙәгендә теркәлгән һәм бер вакансияға дәғүә иткән эшһеҙҙәр иҫәбе 0,69 процент тәшкил итә. 1 июнгә ҡарата был күрһәткес 0,8-гә тиң ине, тип хәбәр иттеләр баш ҡаланың мәшғүллек үҙәгенән.

темалар: мәшғүллек