10 декабрь, Шәмбе

17 июнь 2011 йыл, 10:24

Рөстәм Хәмитов Петербург иҡтисади форумында ҡатнашасаҡ

автор: Сергей Захаров

Башҡортостан Президенты Рөстәм Хәмитов 17 июндә 15-се Петербург халыҡ-ара иҡтисади форумында ҡатнашасаҡ.

Быйыл юбилейлы форум «Яңы эра өсөн лидерҙар» девизы аҫтында үтә. Иҡтисади форум сиктәрендәге дискуссиялар «Глобаль иҡтисади үҫеште тәьмин итеү», «Рәсәйҙә ижади капитал булдырыу», «Офоҡтарҙы киңәйтеүсе технологиялар» кеүек өс төп тема тирәләй алып барыласаҡ.

Форум эшендә меңдән ашыу кешенең ҡатнашыуы көтөлә, улар иҫәбендә 169 эре сит ил компаниялары башлыҡтары һәм Рәсәйҙәге коммерция структураларының 336 етәксеһе. Бынан тыш, тағы 52 дәүләт ҡатнашыуға заявка биргән.

Форумды асыу тантанаһы Мәскәү ваҡыты менән сәғәт 11-ҙә башлана.