4 декабрь, Йәкшәмбе

16 июнь 2011 йыл, 12:32

Ауыл эшсәндәре көнбағыш сәсеүлектәрендә рәт араһын йомшартыуҙы тамамлай

автор: Ғәлиә Нәбиева

Республикалағы 12 райондың ауыл хужалығы предприятиелары көнбағыш сәсеүлегендә рәт араһын йомшартыуҙы тамамланы. БР Ауыл хужалығы министрлығы мәғлүмәте буйынса, Архангел (512 га), Бүздәк (5217 га), Ғафури (4500 га), Ейәнсура (5356 га), Йылайыр (1810 га), Ҡариҙел (200 га), Ҡырмыҫҡалы (1657 га), Стәрлетамаҡ (14112 га), Өфө (3900 га), Хәйбулла (13814 га), Саҡмағош (3553 га), Шаран (2050 га) райондарында май бирә торған культуралар сәсеүлектәрен эшкәртеү тулыһынса тамамланған.

Республикала сәсеүлектәрҙе тәрбиәләү һәм сүп үләндәре менән көрәш дауам итә. Белорет, Дүртөйлө, Көйөргәҙе, Саҡмағош райондары хужалыҡтары химик утауҙы тулыһынса атҡарып сыҡҡан.

темалар: ауыл хужалығы