11 декабрь, Йәкшәмбе

16 июнь 2011 йыл, 9:21

Сығарылыш уҡыусыларының БДИ тапшырыу өсөн резерв көндәре башланды

автор: Эльмира Сабирова

Кесаҙна, 16 июнь — аҡларлыҡ сәбәптәр буйынса БДИ тапшыра алмаған сығарылыш уҡыусылары өсөн беренсе резерв көнө. Уҡыусылар бөгөн сит телдәр, йәмғиәтте өйрәнеү һәм биология буйынса тест эшләйәсәк.

17 июнь, икенсе резерв көнөндә, берҙәм дәүләт имтиханы формаһында һынауҙар географиянан, химиянан, әҙәбиәт, тарих һәм физиканан үтәсәк.

Мотлаҡ предмет һаналған рус теленән имтиханды – 18 июндә, ә математиканан 20 июндә тапшырырға кәрәк буласаҡ.

Хәтерегеҙгә төшөрәйек, Башҡортостан уҡыусыларының төп массаһы БДИ тапшырып бөттө, әммә бар һөҙөмтәләр ҙә әлегә билдәле түгел.  Шул иҫәптән математика, уны йәштәр 6 июндә тапшырғайны; йәнә география һәм йәмғиәтте өйрәнеү (БДИ 10 июндә үтте), тарих һәм физика (14 июнь).

темалар: БДИ-2011, мәғариф