5 декабрь, Дүшәмбе

31 май 2011 йыл, 16:48

Башҡортостан райондарында балалар ғибәҙәтханалар төҙөргә ярҙам итә

автор: Рәил Мусин

Шаран ауылы мәҙәниәт йортонда Шаран районы хакимиәт үҙәгендәге мәсет һәм сиркәү төҙөлөшө активистары менән ойошторолған хәйриә концерты үтте.

«Батыр», «Йәйғор», «Теремок» балалар баҡсаларының йәш таланттары сәхнәгә сыҡты. Билеттар һатыуҙан алынған килем дини ойошмалар вәкилдәренә тапшырылды.

Буласаҡ мосолман һәм православие ғибәҙәтханалары биналарына 2010 йылдың йәйендә нигеҙ һалынған. Улар Шаран районы халҡы, районда тыуып үҫкән бағыусылар аҡсаһына төҙөлә. Әлеге ваҡытта объекттар төҙөлөшө дауам итә: сиркәүҙең көмбәҙе эшләнгән, ҡыйығы бар, ә мәсеттә ике манараһын күтәрергә кәрәк.

темалар: хәйриә