8 декабрь, Кесе йома

31 май 2011 йыл, 16:03

Төҙөүселәр Иглин районындағы йорттарҙы ике айҙа төҙөп бөтөргә планлаштыра

автор: Рәсүл Хәмиҙуллин

Башҡортостан төҙөүселәре боеприпастар шартлауы һөҙөмтәһендә ҡыйыҡһыҙ ҡалған Урман ауылы халҡына йорттар төҙөү буйынса саралар планын эшләне.

Башҡортостан Хөкүмәте Премьер-министры урынбаҫары Сергей Афонин БР Төҙөлөш һәм архитектура буйынса дәүләт комитеты, Иглин районы хакимиәте, селтәр ойошмалары, Торлаҡ төҙөлөшө фонды, проект институттары һәм подряд ойошмалары вәкилдәре менән эш кәңәшмәһе үткәрҙе.

Һөҙөмтәлә 16 фатирлы өс йорт һәм 12 индивидуаль йорт төҙөү тураһында ҡарар ҡабул ителде. Эштәр янғындан зыян күреүселәргә йорттар төҙөүгә заказсы булараҡ сығыш яһаған Торлаҡ төҙөлөшө фонды майҙанында алып барыласаҡ. Бер төркөм компаниялар подрядсылар буласаҡ: «Башкортостаннефтезаводстрой» тресының 10-сы төҙөлөш идаралығы, «БНЗС» асыҡ акционерҙар йәмғиәте, «Акрополь» яуаплылығы сикләнгән йәмғиәте һәм «БР Аҙ ҡатлы төҙөлөш идаралығы» дәүләт унитар предприятиеһы, улар, хәлдәрҙең ауырлығын аңлап, эштәрҙе финанслау сығанаҡтары билдәләнмәҫ борон уҡ башланы. «Башинформ» агентлығына БР Төҙөлөш һәм архитектура буйынса дәүләт комитетының матбуғат секретары Фидарис Багаевтың хәбәр итеүенсә, әлеге ваҡытта урында планлаштырыу һәм проект эштәре башҡарылған. Төҙөүселәр ер ҡаҙыу эштәренә тотонған, техника һәм төҙөлөш материалдары ташыла. Бөтә йорттарҙы ла

Иглинда төҙөргә ҡарар ителгән. Төҙөүселәр алдында ҡуйылған срок — ике ай.