5 декабрь, Дүшәмбе

31 май 2011 йыл, 11:28

Урманда ваҡытлыса полиция бүлеге асылды

автор: Ольга Мортазина, Светлана Ғәфүрова

Боеприпастар келәте шартлауынан зыян күргән Иглин районының Урман ауылында БР буйынса Эске эштәр министрлығы полицияның ваҡытлыса бүлеген асты. Был кисәге ҡабаттан башланған янғындан һәм шартлауҙарҙан һуң өйҙәренә ҡайтырға рөхсәт бирелгән ауыл халҡының хәүефһеҙлеген тәьмин итеү маҡсатында эшләнде.

Ваҡытлыса бүлектә 60 хеҙмәткәр эшләйәсәк, штатҡа участковыйҙар, тәфтишселәр һәм тәүтикшереүселәр, автоинспекторҙар, енәйәтте тикшереү бүлеге һәм патруль-пост хеҙмәте хеҙмәткәрҙәре инде. Уларға элемтә саралары һәм ике вездеход бүлеп бирелгән. Полицейскийҙар бөгөндән башлап үҙ вазифаларына тотондо, тип хәбәр иттеләр БР буйынса Эске эштәр министрлығының матбуғат хеҙмәтенән.  Бүлексәнең адресы: Урман ауылы, Үҙәк урам, 1а, дежур частың телефоны (34795) 2-61-98.