10 декабрь, Шәмбе

25 май 2011 йыл, 15:15

Башҡортостандың яугир-интернационалистары халыҡ-ара наградалар алды

автор: Евгений Рәхимҡолов | фото: Евгений Рәхимҡолов

Башҡортостандың Афғанстан һуғышында ҡатнашҡан яугир-интернационалистары Руслан Аушев етәкселегендәге БДБ дәүләттәре хөкүмәт башлыҡтары советы ҡарамағындағы Яугир-интернационалистар эштәре буйынса комитетының Координация советынан наградалар алды.

Афғанстандағы хәрби хәрәкәттәрҙә, локаль һуғыштарҙа һәм хәрби конфликттарҙа ҡатнашҡан ветерандарға социаль ярҙам буйынса әүҙем һәм емешле эшләгәне өсөн Рафаил Исхаҡовҡа, Радик Ғәлиевҡа һәм Илдус Хәмиҙуллинға грамоталар тапшырылды. Рим Рәжәпов миҙал алды.  

Наградаларҙы ветерандарға «Берҙәм Рәсәй»ҙең Өфөләге йәмәғәт ҡабул итеү бүлмәһендә Дәүләт Думаһы депутаты Иршат Фәхретдинов тапшырҙы.

темалар: ветерандар