9 декабрь, Йома

24 май 2011 йыл, 16:27

Өфөлә 200 мең сәскә ултыртылды

автор: Евгений Рәхимҡолов

Өфөлә быйыл яҙ 200 мең сәскә ултыртылды. Был хаҡта ҡала башлығында үткән оператив кәңәшмәлә Өфө хакимиәтенең Төҙөкләндереү һәм коммуналь хужалыҡ идаралығы начальнигы Владимир Чернов хәбәр итте. Сәскәләрҙең күбеһе «ҡыҙыл линияла» – Октябрь проспектында, Беренсе Май, Октябрҙең 50 йыллығы урамдарында, Салауат Юлаев проспектында ултыртылған.

Ҡалалағы ағастар иҫәбе йәмғеһе 21 меңдән ашыу үҫентегә артҡан, 30 мең самаһы квадрат метр майҙанда газондар сәселгән. Бынан тыш, ҡолауы мөмкин булған, шуның арҡаһында кешеләр именлегенә хәүеф менән янаған биш мең ҡороған ағас, шул иҫәптән 500 тирәк ҡырҡылған. Йәнә 10 мең ағас санитар эшкәртеүгә дусар ителгән.