10 декабрь, Шәмбе

19 май 2011 йыл, 9:00

Стәрлетамаҡ районы эшсәндәре тәүгеләрҙән булып 2011 йылғы сәсеүҙе тамамланы

автор: Ғәлиә Нәбиева

Беренсе булып яҙғы сәсеүҙе республикала Стәрлетамаҡ районы игенселәре тамамланы. Район хеҙмәтсәндәре 74,5 мең гектар майҙанда сәсеү үткәрҙе, тип хәбәр иттеләр БР Ауыл хужалығы министрлығының матбуғат хеҙмәтенән. Ауырғазы (99%), Саҡмағош (99%), Бөрө (90%), Бүздәк (90%), Борай (93%), Дүртөйлө (90%), Миәкә (91%), Шаран (92%) райондарында һуңғы гектарҙарҙа сәсеү алып барыла.

Оператив мәғлүмәттәргә ярашлы, 23 районда көнбағыш сәсеү тамамланған. Республика буйынса йәмғеһе 191580 гектар йәки 99% сәселгән.

63 мең гектарҙың 56299-ында шәкәр сөгөлдөрө сәселгән. Был планлаштырылғандан 89 процент. Бишбүләк,  Бүздәк, Дәүләкән, Йәрмәкәй, Илеш, Мәләүез, Саҡмағош районы сөгөлдөрсөләре планды үтәгән.

18 майға Башҡортостанда 1 млн. 437 мең гектар (77%) майҙанда яҙғы сәсеү үткәрелгән.