6 декабрь, Шишәмбе

17 май 2011 йыл, 11:45

Уртаса эш хаҡы Өфөлә 22 меңгә етте

автор: Евгений Рәхимҡолов

Ағымдағы йылдың тәүге дүрт айы йомғаҡтары буйынса уртаса эш хаҡы кимәле Өфөлә 21 960 һум тәшкил итте. Был хаҡта ҡала хакимиәтендә үткән оператив кәңәшмәлә ҡала башлығы Павел Качкаев хәбәр итте.

Бер йылда уртаса айлыҡ эш хаҡы Өфөлә яҡынса һигеҙ процентҡа артҡан. Сағыштырыу өсөн: 2010 йылда көҙөн ул 21 165 һумға тиң ине. Ул ваҡытта Өфө ошо күрһәткес менән, уртаса эш хаҡы кимәле буйынса Екатеринбург һәм Новосибирскиҙан ғына ҡалышып (Мәскәү һәм Санкт-Петербургты иҫәпкә алмағанда), миллионлы халҡы булған ҡалалар араһында өсөнсө урын алғайны.