4 декабрь, Йәкшәмбе

17 май 2011 йыл, 9:52

Купе вагондарҙа өҫкө урындарҙа юл йөрөү 30 процентҡа арзанайҙы

автор: Любовь Колоколова

Федераль пассажирҙар компанияһы («Рәсәй тимер юлдары» асыҡ акционерҙар йәмғиәтенең бүлендек йәмғиәте) 15 майҙан Рәсәй территорияһында йөрөгән бер нисә поездың купе вагондарында өҫкө урындарҙа юл йөрөүгә хаҡтарҙы кәметте.

«Рәсәй тимер юлдары» асыҡ акционерҙар йәмғиәтенең матбуғат хеҙмәтенән хәбәр итеүҙәренсә, ағымдағы йылдың 15 майынан 30 сентябренә тиклем алыҫ араға сығасаҡ бер нисә поездың купе вагондарында өҫкө урындарҙа юл йөрөү тарифына «ФПК» йәмғиәте кәметеүсе 0,7 коэффициентын билдәләй. Шулай итеп, ғәмәлдәге тарифтарға ташлама 30 процент тәшкил итә.

Атап әйткәндә, кәметеүсе коэффициент №39/40 «Өфө – Мәскәү», №355/356 «Өфө – Мәскәү», №635/636 «Өфө – Һамар», №675/676 «Өфө — Сибай» кеүек Өфөнән йүнәләсәк һәм кире йүнәлештәге поездарға ҡағыла.