7 декабрь, Шаршамбы

16 май 2011 йыл, 16:13

Ҡырмыҫҡалы районы хеҙмәтсәндәре иген сәсеүҙе тамамланы

автор: Ғәлиә Нәбиева

Ҡырмыҫҡалы районы игенселәре уҙған ял көндәрендә иген һәм ҡуҙаҡлы иген культураларын сәсеүҙе тамамланы. Төп культуралар сәсеүлегенең майҙаны 19,6 мең гектар тәшкил итте. Был республикала сәсеү буйынса планын үтәгән икенсе район.

БР Ауыл хужалығы министрлығының матбуғат хеҙмәте мәғлүмәте буйынса, 16 майға Башҡортостанда 1 млн. 157 мең гектар майҙанда яҙғы сәсеү үткәрелгән. Стәрлетамаҡ, Миәкә, Саҡмағош райондарында планлаштырылған майҙандарҙың 88 проценты сәселгән.

Дәүләкән (650 га), Илеш (650 га),  Мәләүез (3880 га) райондарында шәкәр сөгөлдөрөн сәсеү тамамланған. Йылайыр, Мәләүез, Миәкә, Өфө, Хәйбулла һәм Шаран райондарында көнбағыш сәсеүҙе тулыһынса атҡарып сыҡҡандар.