3 декабрь, Шәмбе

13 май 2011 йыл, 13:17

11 район аграрийҙары ужым культураларын туҡландырыуҙы тамамланы

автор: Ғәлиә Нәбиева

Республиканың 11 районы ауыл хужалығы предприятиелары ужым культураларын туҡландырыуҙы тамамланы, тип хәбәр иттеләр БР Ауыл хужалығы министрлығынан. Йәнә 27 районда күп йыллыҡ үләндәргә минераль ашламалар индереү тамамланған. Йәмғеһе 476 мең гектар майҙанда — ужым культураларын, 181 мең гектарҙа күп йыллыҡ үләндәрҙе туҡландырыу үткәрелгән. Сағыштырыу өсөн, был күрһәткестәр былтыр 401 мең һәм 157 мең гектарға тиң ине.

Ашламалар индереү буйынса элеккесә Саҡмағош районы алдынғы урында, планда ҡаралған 1695 тонна урынына ул 3706 тонна ашлама туплаған. Игенселәр бер гектар майҙанға тәьҫирле матдәлә 46,5 кг ашлама индерә. Ҡырмыҫҡалылар ҙа алдынғылар рәтендә, улар минераль ашламаларҙың ярайһы мул запасын туплаған – гектарына 29,7 кг, ә шишмәләрҙә –1 гектарына 29,1 кг.