10 декабрь, Шәмбе

10 май 2011 йыл, 11:51

Беренсе канал Өфөлә «Беренсе бул» акцияһын үткәрә

автор: Евгений Рәхимҡолов

Беренсе канал 1 июндә билдәләнеүсе Халыҡ-ара балалар көнөнә ҡарата Өфөлә «Беренсе бул» акцияһын үткәрәсәк. Был хаҡта ҡала башлығы Павел Качкаев хәбәр итте.

Акцияла Өфөнөң 14 балалар учреждениелары ҡатнашасаҡ. Былар балалар баҡсалары, балалар йорттары һәм ошондай башҡа төрлө ойошмалар. Бар илгә билдәле актерҙар һәм тапшырыуҙар алып барыусылары уларҙа булып, балаларға бүләктәр һәм сувенирҙар тапшырасаҡ.

Бындай акциялар Беренсе канал менән тәүге тапҡыр ғына ойошторолмай. Мәҫәлән, 2010 йылда «Беренсе бул» акцияһы – Түбәнге Новгородта, ә 2008 йылда Һамарҙа үткәрелгәйне.